Футбол бўйича Евро—2020 мусобақаси E гуруҳидан жой олган жамоалар ўртасидаги 3-тур ўйинлари 23 июнь куни бўлиб ўтди.
Испания терма жамоаси Словакияга қарши баҳс олиб борди. Учрашувнинг 30-дақиқасида Дубравка кутилмаганда ўз дарвозасини ишғол қилиб қўйди. Биринчи бўлим якунида Аймерик Ляпорт испанларнинг иккинчи голини урди. «Қизил фурия» иккинчи бўлимда рақиб дарвозасига яна учта тўп киритди. Пабло Сарабия ва Ферран Торрес ўз ҳисобига гол ёздириб қўйган бўлса, 71-дақиқасида Юрай Куцка автогол муаллифи бўлди.
Гуруҳдаги иккинчи ўйин Швеция ва Польша терма жамоалари ўртасида кечди. Ўйин дебютида Эмиль Форсберг шведларни олдинга олиб чиқди. 59-дақиқада яна Форсберг Польша дарвозасини ишғол қилди. Бунга поляклар Роберт Левандовскининг дубли билан жавоб қайтарди. Ҳакам томонидан қўшиб берилган вақтда Виктор Классон Швециянинг ғалаба тўпини киритди.
Шу тариқа Швеция 7 очко билан гуруҳда биринчи ўринни олди, Испания (5) эса иккинчи поғона билан кейинги босқичга чиқди. Словакия ва Польша гуруҳда қолиб кетди. Словакиянинг омадсиз ҳаракати, Украинани кейинги босқичга олиб чиқди.
Евро—2020
E гуруҳи, 3-тур
23 июнь, сешанба
Словакия — Испания 0:5
Голлар: 0:1 – 30, автогол Дубравка, 0:2 – 45 Ляпорт, 0:3 – 56 Сарабия, 0:4 – 67 Ферран Торрес, 0:5 – 71, автогол Куцка.Словакия: Дубравка, Шатка, Пекарик, Губочан, Шкриньяр, Гамшик (Бенеш, 90), Гараслин (Суслов, 69), Мак (Вайсс, 69), Громада (Лоботка, 46), Дуда (Дюриш, 46), Куцка.
Испания: Унаи Симон, Эрик Гарсия (Пау Торрес, 71), Ляпорт, Аспиликуэта (Ойарсабаль, 77), Альба, Коке, Бускетс (Тиаго Алькантара, 71), Сарабия, Педри, Херар Морено (Траоре, 77), Мората (Ферран Торрес, 66).
Огоҳлантиришлар: Дуда (12), Бускетс (40), Альба (60), Шкриньяр (90).
Швеция — Польша 3:2
Голлар: 1:0 – 2 Форсберг, 2:0 – 59 Форсберг, 2:1 – 61 Левандовски, 2:2 – 84 Левандовски, 3:2 – 90+3 Классон.Швеция: Ольсен, Аугустинссон, Линделеф, Люстиг (Крафт, 68), Даниэлссон, Олссон, Экдал, Форсберг (Классон, 77), Ларссон, Квайсон (Кулусевски, 55), Исак (Берг, 68).
Польша: Шченсни, Берешински, Беднарек, Глик, Пухач (Франковски, 46), Клих (Козловски, 73), Зелиньски, Юзвяк (Шверчок, 61), Криховяк (Плахета, 78), Швидерски, Левандовски.
Огоҳлантиришлар: Даниэлссон (10), Криховяк (74), Глик (83).
Изоҳ (0)