2021 йилнинг апрелида SpaceX ракетаси ёрдамида Халқаро космик станциясига чиққан франциялик астронавт Томас Песке Ернинг космосдан туриб олинган суратлари билан бўлишди, деб хабар беради Hi-Tech.Mail.ru.
Суратларда Ернинг асосан сув эгаллаган қисмини кўриш мумкин. Астронавт ўзининг Twitter’даги саҳифасига ёзишича, юзасидаги булутлар билан бирга у худди «ҳаворанг мармар» каби кўриниш олган.
Томас Песке ушбу суратларни айнан қандай қилиб олгани номаълум. Россиялик космонавт Сергей Рязанскийнинг айтишича, у Ерни телеобъектив ва максимал яқинлаштирувчи конвертерларга эга оддий кўзгусимон камералар ёрдамида суратга олади.
Аввалроқ NASA астронавти Сомон йўли галактикасининг ҳайратланарли видеоси билан бўлишгани, NASA Ернинг 2020 йилдаги энг яхши суратларини эълон қилгани тўғрисида хабар берилганди.
Изоҳ (0)