«Муҳташам юз йил»даги роли билан мухлисларга яхши таниш бўлган Ҳалит Эргенч учинчи марта ота бўлишга тайёргарлик кўрмоқда. Бу ҳақда Ҳалитнинг рафиқаси маълум қилган. Baby shower маросимидаги фотолар билан бўлишган Бергузар Корел бўлажак фарзандининг жинси қиз бўлишини эълон қилган.
«Аллоҳ кўриб турибди, мен буни жуда ҳам хоҳлаганман. Оиламиз катта ва бахтли бўлсин. Ҳа, фарзандимиз қиз бўлади! Биз учун ушбу байрамни уюштирган ва ҳаммани тўплаган қадрли дугонамга раҳмат. Яқинларим, дўстларим мен учун жуда ҳам хурсанд. Фарзандимиз қиз бўлишидан хабар топишимиз билан ушбу бахтли воқеа билан бўлишишга қарор қилдик», — деб ёзади турк юлдузи.
Май ойининг охирида актрисанинг қоматида ўзгаришлар кўзга ташланган суратлар тарқалган. Аммо Бергузарнинг ўзи дарҳақиқат, ҳомиладорлигини яқин кунларда тасдиқлаган. Ҳалит эса доимгидек шахсий ҳаёти ҳақидаги икир-чикирларни оммага эълон қилмайди. Актрисанинг учинчи марта ҳомиладорлиги касби билан боғлиқ режаларини ўзгартириб юборган. «Қонли эфир» сериалида суратга тушаётган Бергузар катта оила ҳақида орзу қилишига қарамай, бу у учун янгилик бўлган. Бўлажак фарзандининг саломатлиги учун актриса шартномани бекор қилган.
Маълумот учун, 51 ёшли Ҳалит ва 38 ёшли Бергузарнинг икки нафар фарзанди бор. Катта фарзанди 11 ёшда, кенжаси Хон эса 2020 йил 8 сентябрда туғилган.
Мавзуга доир:
- Турк киносининг машҳур жуфтликлари бўш вақтини қандай ўтказади? (фото)
- Нафақат саҳнада, балки ҳаётда ҳам ажралмас дўст бўлган турк юлдузлари (фото)
- «Муҳташам юз йил» сериали актёрлари яна қандай сериалларда суратга тушган?
- 2021 йил баҳор мавсумида якунланаётган учта машҳур турк сериали
- «Муҳташам юз йил» сериали юлдузлари иштирокидаги 2021 йилги турк сериаллари
Изоҳ (0)