Голливуд юлдузларининг ташқи кўринишидан ўзларига ўхшамаган фарзандлари (фото)

Баъзан фарзандлар ва ота-оналар ўртасидаги фарқ характер ва одатларда, баъзан эса ташқи кўринишда намоён бўлади. Машҳур ота-оналаридан голливудча қиёфани мерос қилиб олмаган фарзандлар билан танишинг.

Элла Траволта — Жон Траволтанинг қизи

Жон Траволта ва Келли Престоннинг қизи ҳақиқий соҳибжамол. Фақат сал катта ўлчам билан. На отаси, на қизнинг вафот этган онаси ортиқча вазнга мойил эмас. Шунга қарамай, Элла уларнинг изидан боришни ва актриса бўлишни орзу қилади.

Симона Александра Жонсон — Дуэйн Жонсоннинг қизи

Симона ёшлигидаёқ бўйи деярли икки метрли отасидан ҳам ўзиб кетди, шу сабабли ҳам ёшига нисбатан каттага ўхшайди.

Кэмерон Дуглас — Майкл Дугласнинг ўғли

Актёрнинг биринчи турмушидан бўлган ўғли ёмон йигит эмас эди. Аммо Кэмерон 13 ёшида гиёҳвандликка берилиб кетди. Отаси томонидан ўғлининг гиёҳвандликка қарамлигини енгишга қаратилган барча уринишлари беҳуда кетди. Кичик Дуглас отаси ва бобоси билан биргаликда битта фильмда — «Оилавий қадриятлар»да роль ўйнаган. Ва бу йигитнинг ижодий муваффақиятларининг сўнггиси эди, шундан сўнг доимий муаммолар бошланди. 2010 йилда Кэмерон Дуглас гиёҳванд моддалар савдоси учун беш йилга озодликдан маҳрум қилинди. Бир йил ўтгач, у қамоқхонада гиёҳванд моддаларни истеъмол қилгани учун яна 4,5 йил олди. Бу орада Кэмерон полиция билан ҳамкорлик қилаётгани ҳақида миш-мишлар тарқалди, шунинг учун ҳам қолган маҳбуслар уни ёқтиришмаган. Натижада Кэмерон қамоқхонада қаттиқ калтакланган: кичик Дугласнинг оёғи ва бармоқлари синиб кетган.

Румер, Скаут ва Таллула Уиллис — Брюс Уиллис ва Деми Мурнинг қизлари

Ўз даврининг энг жозибали одамларининг қизлари машҳур ота-оналарига қайсидир жиҳатлари билан ўхшаш. Қизлар катта жағ ва катта бурунни отасидан, ингичка лабларини эса онасидан мерос қилиб олган. Бироқ опа-сингиллар жуда қувноқ ва замонавий, бу хислат уларнинг ташқи кўринишдаги ҳар қандай камчиликларини ёпиб кетади.