Ўзбекистонда 18—19 июнь кунлари кам булутли об-ҳаво устун бўлади, фақат Тошкент вилояти ва Фарғона водийси вилоятларининг айрим тоғли туманларида ёғингарчилик бўлиши эҳтимоли бор, деб хабар бермоқда «Ўзгидромет».
Қайд этилишича, ҳарорат кундуз кунлари 35-40 даражани ташкил этади, бу ўртача кўп йиллик қийматлардан 2-3 даражага юқори. Баъзи жойларда шамол 15-20 метр/секундгача, шанба куни баъзи жойларда чангли бўрон билан 23-28 метр/секундгача кучаяди.
20 июнь куни Россиянинг Европа ҳудудларидан салқин ҳаво массалари кириб келиши бошланади, бу ҳаво массалари мамлакатнинг жанубий ҳудудларига қулай ҳарорат олиб келади. Фақат тоғолди ва тоғли ҳудудларда қисқа муддатли ёмғир ёғади, республиканинг текислик ҳудудларида ёғингарчилик кутилмайди.
Изоҳ (0)