Қашқадарё вилояти ҳокими Зоир Мирзаев Шаҳрисабз шаҳрида бўлиб ўтган ёшлар фестивалида мақом куйлади. Бу ҳақда хабар берган «Дарё» мухбирининг ёзишича, вилоят ҳокими мақом куйлаётган болаларнинг ижросидан илҳомланган ҳолда саҳнага чиққан.
Қайд этиш лозим, Қашқадарё ҳокими Зоир Мирзаевнинг санъатдан хабардорлиги блогер Хушнудбек Худойбердиев билан суҳбатда маълум бўлган. Бироқ ҳоким суҳбат давомида блогернинг қўшиқ ижро этиб бериш борасидаги сўровини рад этган.Маълум бўлишича, Қашқадарёнинг Шаҳрисабз шаҳрида 2021 йилнинг 13—15 июнь кунлари «Биз Амир Темур авлодлари, унга издош бўламиз!» шоири остида «Янги Ўзбекистон ёшлари, бирлашайлик!» деб номланган ёшлар фестивали ўтказилган.
Таъкидланишича, фестивалнинг сўнгги кунида вилоятда фаолият юритувчи барча туман ва шаҳар ҳокимлари, шунингдек, вилоятдаги барча сектор раҳбарлари Шаҳрисабзда жам бўлиб, «Заковат» ўйинида беллашган. Шунингдек, тадбирда ташкил этилган жойларни кўздан кечириб, тадбирда иштирок этган ёшларга омад тилаган.
Изоҳ (0)