Вазирлар Маҳкамасининг 2021 йил 15 июндаги қарорига кўра, Бахтиёр Маҳкамов Муҳаммад Ал-Хоразмий номидаги Тошкент ахборот технологиялари университетининг ректори вазифасини бажарувчи этиб тайинланди. Бу ҳақда Ахборот технологиялари ва коммуникацияларини ривожлантириш вазирлиги ахборот хизмати хабар берди.
Бахтиёр Маҳкамов тайинловга қадар Электромагнит мослашув маркази бошлиғининг биринчи ўринбосари лавозимида фаолият юритиб келаётган эди.
Маълумот учун, Бахтиёр Маҳкамов 1985 йилда туғилган, 2006 йилда Тошкент давлат техника университетининг молиявий менежмент йўналиши бўйича бакалавр, 2008 йилда эса Тошкент ахборот технологиялари университетининг менежмент (ахборот-коммуникация технологиялари) йўналиши бўйича магистр даражасини олган.
Аввалроқ Вазирлар Маҳкамасининг тегишли қарори билан Фарғона давлат университети ва Қўқон давлат педагогика институтига ректорлар тайинлангани тўғрисида хабар берилганди.
Изоҳ (0)