Qashqadaryo viloyati hokimi Zoir Mirzayev Shahrisabz shahrida bo‘lib o‘tgan yoshlar festivalida maqom kuyladi. Bu haqda xabar bergan “Daryo” muxbirining yozishicha, viloyat hokimi maqom kuylayotgan bolalarning ijrosidan ilhomlangan holda sahnaga chiqqan.
Qayd etish lozim, Qashqadaryo hokimi Zoir Mirzayevning san’atdan xabardorligi bloger Xushnudbek Xudoyberdiyev bilan suhbatda ma’lum bo‘lgan. Biroq hokim suhbat davomida blogerning qo‘shiq ijro etib berish borasidagi so‘rovini rad etgan.Ma’lum bo‘lishicha, Qashqadaryoning Shahrisabz shahrida 2021-yilning 13—15-iyun kunlari “Biz Amir Temur avlodlari, unga izdosh bo‘lamiz!” shoiri ostida “Yangi O‘zbekiston yoshlari, birlashaylik!” deb nomlangan yoshlar festivali o‘tkazilgan.
Ta’kidlanishicha, festivalning so‘nggi kunida viloyatda faoliyat yurituvchi barcha tuman va shahar hokimlari, shuningdek, viloyatdagi barcha sektor rahbarlari Shahrisabzda jam bo‘lib, “Zakovat” o‘yinida bellashgan. Shuningdek, tadbirda tashkil etilgan joylarni ko‘zdan kechirib, tadbirda ishtirok etgan yoshlarga omad tilagan.
Izoh (0)