Калифорния штатининг (АҚШ) Глендейл шаҳрида Тошкент вақти билан 13 июнь тонгида UFC 263 мусобақаси бўлиб ўтди.
Мусобақанинг марказий жанги ўрта вазн тоифаси чемпиони Исраэл Адесаня ва Марвин Веттори ўртасида кечди. Унда Адесаня ҳакамлар қарорига кўра ғолиб деб топилди ва чемпионлик камарини ўзида сақлаб қолди.
Кечанинг иккинчи асосий жангида Дейвисон Фигередо Брендон Моренога ютқазиб, мутлақ енгил вазн камарини бой бериб қўйди.
Яна бир қизиқарли жанг Терренс Маккини ва Мэтт Фревола ўртасида кечди. Унда Маккини рақибини биринчи раунднинг 7-сониясидаёқ нокаутга учратди.
UFC 263 жангларини бу ерда томоша қилиш мумкин — видео
Мусобақа натижалари билан танишинг:
Асосий кард
- Исраэл Адесаня (21-1) очколар ҳисобига Марвин Ветторини (17-5-1) енгди — (50:45, 50:45, 50:45);
- Брендон Морено (19-5-2) 3-раундда бўғиш усулини қўллаб, Дейвисон Фигередони (20-2-1) таслим этди;
- Леон Эдвардс (19-3) ҳакамлар қарорига кўра Нейт Диазни (21-13) мағлубиятга учратди — (49-46, 49-46, 49-46);
- Билол Муҳаммад (19-3) очколар ҳисобига Демиан Майядан (28-11) устун келди — (30-27, 29-28, 29-28);
- Пол Крейг (15-4-1) 1-раунддаги техник нокаут эвазига Жамал Ҳиллни (8-1) енгди.
- Бред Ридделл ҳакамлар қарорига кўра Дрю Доберни мағлуб этди;
- Эрик Андерс ҳакамлар қарорига кўра Даррен Стюартни таслим қилди;
- Лорен Тэйлор ҳакамлар қарори эвазига Жоан Калдервудни ютди;
- Мовсар Евлоев ҳакамлар қарори билан Ҳаким Даводуни мағлуб этди;
- Панни Кианзад ҳакамлар қарорига кўра Алексис Дэвистни таслим қилди;
- Терренс Маккини 1-раундда Мэтт Фреволани нокаутга учратди;
- Стивен Петерсон ҳакамлар қарори билан Чейз Ҳупердан устун келди.
Изоҳ (0)