Европа космик агентлиги тадқиқотчилари галактикаларнинг улкан кластери суратини қўлга киритди. Сурат Hubble телескопи сайтига жойлаштирилган, деб хабар беради «Korrespondent.net».
Hubble космик қурилмаси ACO S 295 номли галактикалар тўпламини суратга олишга муваффақ бўлган. Таъкидланишича, суратда мавжуд барча ўлчам ва шаклдаги галактикалар тасвирланган: улкан спираллардан тортиб ўпирилган эллипсларга қадар.
«Ушбу галактика тўплами ўлчамидан ташқари, кўплаб ориентацияси билан мақтана олади: айрим спирал галактикалар деярли ‘юзи’ билан жойлашган бўлса, баъзилари ‘қовурғаси билан’, улар ингичка ёруғлик чизиғи каби кўриниш касб этган», — дейилади телескоп сайтида.
Тадқиқотчиларнинг таъкидлашича, кластернинг ўзи тасвир марказида ҳам визуал, ҳам жисмонан жойлашган. Бу — гравитацион равишда фон галактикаларини линзалаштирган галактикалар тўпламининг улкан массаси ҳисобланади.
Аввалроқ NASA астронавти Сомон йўли галактикасининг ҳайратланарли видеоси билан бўлишгани, Hubble спиралсимон ёрқин галактикани суратга олгани тўғрисида хабар берилганди.