Yerning Shimoliy yarimsharida yashovchilar 10-iyun kuni 2021-yil hisobida birinchi marta Quyosh tutilishiga guvoh bo‘ldi. Bu Oy va Yer maksimal masofada joylashganda yoki shunday masofaga yaqinlashganda yuz beradigan halqali quyosh tutilishi edi. Halqali tutilishda Oyning diametri Quyoshnikidan kichikroq va u Quyoshni to‘liq tutilishdagi kabi butunlay qamrab ololmaydi.

Foto: Reuters

Mazkur Quyosh tutilishi O‘zbekiston aholisi uchun ham kuzatish mumkin bo‘lgan 2021-yildagi birinchi tutilish hisoblanadi. O‘zbekistonda tutilish Toshkent vaqti bilan 16:58 da boshlanib, 17:53 da tugagan.

Butun dunyo bo‘ylab esa Quyosh tutilishi Shimoliy Amerikada boshlanib, Uzoq Sharqda tugagan. Hodisani Kanadaning Ontario provinsiyasida, Grenlandiyada va Shimoliy qutbda, shuningdek, Rossiya hududiga kiruvchi Yoqutiston va Chukotkada ko‘rish mumkin bo‘lgan, Arktikada esa yanada yaxshiroq ko‘ringan.

Osiyoning shimolida, Yevropada va AQShda ob-havo imkon berishiga qarab, qisman tutilishni kuzatish mumkin bo‘lgan.

Toronto, Kanada

Foto: The Canadian Press

Dublin, Irlandiya

Foto: PA

Nyu-York, AQSH

Foto: EPA

Vashington, AQSh

Foto: “TASS”

London, Buyuk Britaniya

Foto: Getty Images

Bilefeld, Germaniya

Foto: “TASS”

Bryussel, Belgiya

Foto: EPA

Krasnoyarsk, Rossiya

Foto: “TASS”

Liyepupe, Latviya

Foto: EPA

Quyosh tutilishini tomosha qilmoqchi bo‘lganlar Quyoshga oddiy ko‘z bilan qarash mumkin emasligini yodda tutishi lozim. Maxsus ko‘zoynaklardan foydalanish yoki tutilish proyeksiyasini obskyur kamera bilan tomosha qilish yaxshiroq (uni qo‘lda ikkita karton qog‘ozdan yasash mumkin). Quyosh tutilishini jonli ravishda ko‘ra olmaganlar uchun bir nechta onlayn translyatsiyalar taqdim etildi.