Tashkent City ҳудуди махсус ҳудуд бўлиб, у ерда қурилиш ишлари амалга оширилаётган биноларнинг бирортаси тегишли қуйи идораларнинг тасдиғидан ўтмаган. Бу ҳақда Murad Buildings асосчиси Мурод Назаров «Rost24.uz» сайтига берган интервьюсида айтиб ўтди.
Журналист Мурод Назаровга «Нима учун Тошкент шаҳрида қурилиш режалаштирган ҳар қандай тадбиркор тегишли идоралар рухсати билан иш бошлайди-ю Tashkent City ҳудудидаги қурилиш ишларига бу қоида тегишли эмас? Тошкентда энг йирик қурилиш нима учун ҳалигача тегишли қурилиш идоралари рухсатини олмаган?», дея савол берган.
Тадбиркор бунга жавобан Tashkent City ҳудуди махсус ҳудуд эканлигини маълум қилган.
«Tashkent City ҳудудидаги қайси бино тасдиқдан ўтганига жавоб берсангиз, кейин мен жавоб бераман. Бу ҳудуд махсус ҳудуд, бу жойда параллел лойиҳалаштириш ва параллел ишларни олиб бориш рухсати билан ташкил қилинган жой. Фақат Nest One эмас, балки битган Hilton меҳмонхонасининг ҳужжатлари ҳозир ҳам тайёрланмоқда», — дейди Мурод Назаров.
Эслатиб ўтамиз, апрель ўрталарида Мурод Назаров Alter Ego лойиҳаси доирасида блогер Кирилл Алтманга Тошкентдаги ер участкалари нархи ҳақида гапирган эди. Унинг сўзларига кўра, шаҳарда қурилиш олиб бориш фойдасиз бўлиб бормоқда — ерлар жуда қиммат, чунки сўнгги йилларда нархлар 2 баравардан 10 бараваргача кўтарилган.
Мавзуга доир: Мурод Назаров бойлиги тахминан қанчалигини айтди
Изоҳ (0)