2021 йилда чорвачилик соҳасида умумий қиймати 4,5 триллион сўмлик 1 мингдан ортиқ лойиҳалар амалга оширилади. Бу ҳақда Президент Шавкат Мирзиёев раислигида 8 июнь, сешанба куни ўтказилган йиғилишда давлат раҳбари қайд этди, дея хабар бермоқда «Дарё» мухбири.
‘Балиқсаноат’ йил якунига қадар 400 минг тонна маҳсулот етиштиришга шахсан масъул бўлади. Шу боис Ғаниев, О.Мусаев вилоят ҳокимлари билан бирга 2021 йил якунигача 317 та лойиҳани ишга тушириш орқали 20 минг гектар янги майдонларда балиқ етиштиришни йўлга қўйиши ва қўшимча 200 минг тонна маҳсулот олиши шарт.
Шунингдек, Норқобилов, ‘Халқ банки’ вилоят ҳокимлари билан бирга жорий йилда чорвачилик соҳасида умумий қиймати 4,5 триллион сўмли 1 мингдан ортиқ лойиҳаларни амалга ошириши зарур.
Жорий йилда сув танқислигини инобатга олиб, қудуқ қазишга 200 миллиард сўм ажратилади. Ғаниев, Ҳамроев, Б.Исломов вилоят ҳокимлари билан бирга икки ой муддатда ушбу маблағлар ҳисобидан камида 10 минг гектар ерни озуқа-ем етиштиришга мослаштириши зарур.
Худди шу каби Бухоро ва Қашқадарёда чорвачиликни ривожлантириш дастурлари доирасида йил якунига қадар Зарипов 2,5 минг гектар, З.Мирзаев 5 минг гектар яйловларни ўзлаштириши керак.
Умуман, вилоят ҳокимлари ўз ҳисоботларида мавжуд ишсизларни қандай банд қилади, меҳнат бозорига кириб келган ёшларни қандай иш билан таъминлайди, деган саволларга соҳалар кесимида аниқ-аниқ жавоб беришлари керак», — деди Президент.
Изоҳ (0)