2021-yilda chorvachilik sohasida umumiy qiymati 4,5 trillion so‘mlik 1 mingdan ortiq loyihalar amalga oshiriladi. Bu haqda Prezident Shavkat Mirziyoyev raisligida 8-iyun, seshanba kuni o‘tkazilgan yig‘ilishda davlat rahbari qayd etdi, deya xabar bermoqda “Daryo” muxbiri.
‘Baliqsanoat’ yil yakuniga qadar 400 ming tonna mahsulot yetishtirishga shaxsan mas’ul bo‘ladi. Shu bois G‘aniyev, O.Musayev viloyat hokimlari bilan birga 2021-yil yakunigacha 317 ta loyihani ishga tushirish orqali 20 ming gektar yangi maydonlarda baliq yetishtirishni yo‘lga qo‘yishi va qo‘shimcha 200 ming tonna mahsulot olishi shart.
Shuningdek, Norqobilov, ‘Xalq banki’ viloyat hokimlari bilan birga joriy yilda chorvachilik sohasida umumiy qiymati 4,5 trillion so‘mli 1 mingdan ortiq loyihalarni amalga oshirishi zarur.
Joriy yilda suv tanqisligini inobatga olib, quduq qazishga 200 milliard so‘m ajratiladi. G‘aniyev, Hamroyev, B.Islomov viloyat hokimlari bilan birga ikki oy muddatda ushbu mablag‘lar hisobidan kamida 10 ming gektar yerni ozuqa-yem yetishtirishga moslashtirishi zarur.
Xuddi shu kabi Buxoro va Qashqadaryoda chorvachilikni rivojlantirish dasturlari doirasida yil yakuniga qadar Zaripov 2,5 ming gektar, Z.Mirzayev 5 ming gektar yaylovlarni o‘zlashtirishi kerak.
Umuman, viloyat hokimlari o‘z hisobotlarida mavjud ishsizlarni qanday band qiladi, mehnat bozoriga kirib kelgan yoshlarni qanday ish bilan ta’minlaydi, degan savollarga sohalar kesimida aniq-aniq javob berishlari kerak”, — dedi Prezident.
Izoh (0)