Беш дақиқа сарфлаб уй шароитида табиий музқаймоқ — сорбет тайёрлаб кўринг

Жазирамада музқаймоқ олиш учун пул сарфлашга ҳожат йўқ.

Керакли маҳсулотлар:

• мевали шарбат — 100 мл;
• муз — 3-4 ҳовуч;
• туз — 1 ош қошиқ.

• Мевали шарбатни олд қисми ёпиладиган пластик пакетга солинг, ҳавони чиқариб, яхшилаб ёпинг.
• Сорбетнинг ранги тиниқ ва ёрқин бўлиши учун табиий шарбатлардан фойдаланган яхши.
• Каттароқ ўлчамли пластик пакетга муз ва туз солинг, ичига шарбат солинган пакетни солинг.
• Музли пакетни яхшилаб ёпиб, 5 дақиқа давомида силкитинг.
• Сорбет қуюқлашганда пакетдан олишингиз мумкин бўлади.