Маргаретнинг бунинг учун тахминан икки йил, аниқроғи, тахминан 7300 соат вақти кетди! Ҳақиқий Сандрингем саройи эгаси – қиролича Елизавета II унинг ижод намунасини ёқтирадими?
Британиянинг 92 ёшли фуқароси Маргарет Симан қирол оиласига тегишли Сандрингем саройининг тўқилган нусхасини яратди.
Сандрингем саройининг тўқилган нусхаси – узунлиги 5,5 метр ва 1,8 метр кенгликда. Ушбу асар Норфолк ҳунармандлари хайрия фестивалида намойиш этилди: кўргазмадан тушадиган пул Норфолк округидаги учта касалхонани қўллаб-қувватлашга сарфланади.
Симаннинг сўзларига кўра, у эрининг вафотидан кейин тўқишни бошлади. «Мен клубга қўшилдим ва севимли машғулотим шу тариқа бошланди, – дейди Маргарет. – Аввалига болалар ва набиралар учун тўқиганман. Ва Норфолк ҳунармандлари фестивали хайрия учун пул йиғаётганини билганимда мен ҳам фойдали бирор иш қилишни хоҳладим. Ҳаммаси шундан бошланди».
Симаннинг иши чиндан ҳам машаққатли. У саройни аниқ қайта тиклабгина қолмай, балки унинг ҳудудида жойлашган черков ва отхоналарни ҳам энг кичик деталларига қадар такрорлади. Шунингдек, Маргарет сарой ходимлари ҳақида ҳам унутмаган — боғда майсазор ва гулларга ғамхўрлик қилаётган майда одамчаларни учратиш мумкин.
Маълум бўлишича, Елизавета II 1952 йилда Сандрингем саройини отаси Жорж VI дан мерос қилиб олган. Бу 8000 гектар ов майдонида жойлашган Виндзор мулки. Қирол оиласи бу ерда анъанавий равишда Рождествони нишонлайди.
Мавзуга доир:
- Таиландда 11 ёшли қизча ҳар ҳафта ҳайвонот боғида концерт бермоқда. Унинг асосий мухлислари — лемурлар, зебра ва бегемотлар
- Жанубий кореялик рассом қиз юзини фотошопсиз иллюзияга айлантирди (фото)
- Қариялар уйида яшайдиган 88 ёшли қария бир йилда 365 та сурат чизди. У карантиндаги эмоцияларини шу йўсинда ифодалаган
Изоҳ (0)