Мусиқачилар миёвлаётган мушук мемини симфонияга айлантирди. Alugalug Cat қўшиғи Spotify’да пайдо бўлган

Дунёнинг турли нуқталаридаги мусиқачилар мушукнинг миёвлашини Alugalug Cat қўшиғига айлантирди, деб хабар беради Esquire.

Миёвлаётган мушук меми интернетда май ойида машҳурликка эришди, ўшанда TikTok’да инсонга таҳдидли қараб туриб, баланд овозда миёвлаётган мушук видеоси тарқалган эди.

Жанубий африкалик The Kiffness тахаллуси остидаги мусиқачи миёвлаётган мемга бит ва басларни қўшган, шунингдек, мусиқа матнини ҳам ўйлаб топган.

Мен — инсон, сен — мушук.

Биз мусиқа яратамиз ва бу факт.

Қўрқувдан бақиришингни эшитиш эмас ёқимли,

Аммо сен хавотирланма, мен сен билан.

Сен ажойиб куйлар ижросини давом эт.

Сени қўрқувга солган нарса, баъзан озод этиши мумкин

Қалбинг тубида оғриқ борлигини биламан.

Аммо зулматда ғаройиб нарсаларга дуч келиш мумкин.

TikTok ва YouTube’даги машҳурликдан сўнг (ролик миллионлаб маротага томоша қилинган, шунингдек, юзлаб ва ўн минглаб лайк тўплаган), The Kiffness трекининг тўлиқ версиясини чиқарган.

Бу билан Alugalug Cat’нинг машҳурлиги тўхтаб қолмаган. Қўшиқ бошқа мусиқачилар эътиборини ҳам тортган ва улар дуэт ёзишга киришган.

Бразилиялик скрипкачи Аманда Барбало, чехиялик укулелачи (гавайиликларнинг митти гитараси) Кристов Грон, россиялик флейтачи Аксина Хоменко ва бошқалар дуэтга қўшилган.

The Kiffnesс, шунингдек, қўшиқни Spotify стриминг платформасига ҳам юклаган.