Футболчилар талқинига кўра АПЛнинг 2020/21 йилги мавсумдаги энг яхши ўйинчиси аниқланди

Англия Профессионал футболчилари ассоциацияси (PFA) Премер Лиганинг 2020/21 йилги мавсумдаги энг яхши футболчиси номини эълон қилди.

Футболчилар талқинига кўра «Манчестер Сити» ярим ҳимоячиси Кевин де Брюйне мавсумнинг энг яхши ўйинчиси деб топилди. У бу йўлда Илкай Гундўғон, Рубен Диаш, Фил Фоден (учаласи — «Манчестер Сити»), Ҳарри Кейн («Тоттенҳэм») ва Бруну Фернандешни («Манчестер Юнайтед») ортда қолдирди.

Манчестер клубининг яна бир футболчиси Фил Фоден эса мавсумнинг энг яхши ёш футболчиси унвонига лойиқ кўрилди. 21 ёшли ярим ҳимоячи АПЛ томонидан ҳам мана шундай мукофот билан тақдирланганди.

Кевин де Брюйне ўтган мавсумда 25 ўйинда 6 та гол ва 12 та голли узатмага муаллифлик қилган бўлса, Фоден 28 баҳсда 8 та гол ва 5 та голли узатмани амалга оширди.