Тошкентнинг Чилонзор туманида 4 июнь куни Nexia-3, Lacetti Gentra ва Mercedes-Benz иштирокида ЙТҲ содир бўлганди. Пойтахт ИИББ матбуот хизматининг ёзишича, шахси аниқланаётган Lacetti Gentra ҳайдовчиси воқеа жойини ўзбошимчалик билан тарк этган.

Фото: ЙҲХББ матбуот хизмати

Дастлабки маълумотларга кўра, ҳайдовчи 2000 йилда туғилган А.А. бўлган.

Айни пайтда ЙТҲнинг сабабларига аниқлик киритилмоқда. Nexia-3 ҳайдовчисининг сўзларига кўра, Lacetti Gentra ҳайдовчиси қоидаларни бузган ҳолда қарама-қарши ҳаракат йўналишига чиқиб кетган.

ЙТҲ оқибатида Mercedes-Benz ҳайдовчиси 1964 йилда туғилган эркак А.И. ҳамда унинг йўловчилари — 1986 йилда туғилган аёл З.М. (4 ойлик ҳомиладор), 1986 йилда туғилган эркак Р.М., 2016 йилда туғилган вояга етмаган С.Р., 1985 йилда туғилган эркак С.Б. бадан шикастлари билан шифохонага етказилган.

Ҳолат юзасидан Тошкент шаҳар ИИББ томонидан терговолди текшируви ўтказилмоқда.

Аввалроқ Фарғонада бир кечада 3 та ЙТҲда скутер ва велосипед ҳайдовчилари вафот этгани, Қашқадарёда Damas ва Lacetti иштирокида содир бўлган ЙТҲ оқибатида ота-бола ҳалок бўлгани ҳақида хабар берилган эди.

Мавзуга доир: