Toshkentning Chilonzor tumanida 3 mashina ishtirokida yuz bergan YTHda 5 kishi jarohat oldi. Bu haqda YHXBB xabar berdi.
Dastlabki ma’lumotlarga ko‘ra, hodisa 4-iyun kuni soat 10:50 larda, Toshkent shahar, Chilonzor tumani, Baynalminal ko‘chasida joylashgan 26-uy ro‘parasida yuz bergan. Nexia-3, Lacetti va Mercedes-Benz avtomobillari to‘qnashgan.
To‘qnashuv oqibatida Mercedes-Benz haydovchisi va uch nafar yo‘lovchisi, shuningdek, Lacetti’da bo‘lgan bir nafar yo‘lovchi tan jarohati bilan shifoxonaga olib ketilgan.
Mazkur YTH yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilib, to‘qnashuv sodir bo‘lish sabablariga oydinlik kiritilmoqda.
Avvalroq Termizda Prezident kortejidagi avtomobil ishtirokida YTH yuz bergani haqidagi xabarlar rad etilgani, Urgutda radiatoriga suv quyish uchun tushgan haydovchining “Gazel”i jarlikka tushib ketgani, Qashqadaryoda boshqaruvni yo‘qotgan Cobalt haydovchisi YTHga uchrab, vafot etgani haqida xabar berilgan edi. Mavzuga doir:- Fatvo: Yuqori tezlik sabab o‘lgan haydovchining maqomi o‘z joniga qasd qilganniki bilan teng
- Katta tezlikda mashina haydash oqibatida vafot etgan haydovchiga janoza o‘qiladi — O‘zbekiston musulmonlari idorasi
- O‘zbekistondagi yo‘l harakati sohasidagi muammolarni o‘rganish va ularni bartaraf etish bo‘yicha ishchi guruh tuzildi
