Netflix стриминг сервиси АҚШ собиқ президенти Барак Обама ва унинг рафиқаси Мишелга тегишли Ground Productions компанияси продюсерлиги остида яратилган янги Wе The People («Биз — инсонлар») анимацион мультсериалининг трейлерини намойиш этди, деб хабар беради Esquire.
Фуқароларнинг асосий ҳуқуқлари ва мақоми ҳақида сўзловчи мультсериал 10 та уч дақиқали эпизоддан иборат. Шоу сценарийсини «Сезам кўчаси» ва Doc МcStuffinc мультсериаллари устида ишлаган Крис Ни ёзган.
Лойиҳа саҳифасида кўрсатилишича, мультсериал давомида Жанель Моне, H.E.R., Адам Ламберт, Бренди Карлайл ва бошқа таниқли хонандаларнинг қўшиқлари янграйди. Шоу премьераси 4 июль санасига мўлжалланган.
Барак ва Мишаль Обамага тегишли Higher Ground Productions продюсерлик компанияси билан узоқ муддатли шартнома имзолангани тўғрисида Netflix 2018 йилнинг майида эълон қилганди. Улар сериаллар, тўлиқ метражли ва ҳужжатлари фильмларга продюсерлик қилиш билан шуғулланади. Компания лойиҳалари орасида Мишел Обаманинг «Шаклланиш» автобиографияси бўйича ишланган ҳужжатли фильм ҳам бор.
Мавзуга доир: Мишел Обаманинг автобиографияси АҚШда бесцеллер бўлди
Изоҳ (0)