Toyota компанияси 2021 йил 1 июндан Land Cruiser Prado 70th Anniversary номли янги махсус версияси учун буюртмалар қабул қилишни бошлади, деб хабар беради IXBT.
Бу Land Cruiser автомобиллар оиласининг 70 йиллик юбилейи муносабати билан чиқарилган махсус серия ҳисобланиб, у «Elegans Plyus» ва Black Onyx версиялари ўртасидан жой олади. Автомобиль ишлаб чиқарувчининг матбуот хизмати эслашича, машҳур моделнинг биринчи прототипи 1951 йилда чиқиб, унга қадар ҳеч бир модель уддалай олмаган Фудзи тоғига кўтарилишга муваффақ бўлган.
Бу каби йўлтанламас кузовининг орқа устунларидаги юбилей логотиплари ва салонидаги гиламчалар, шунингдек, эксклюзив дизайнга эга 19 дюймли ғилдираклари билан ажралиб туради.
Бундан ташқари, «Elegans» версиясидан бошлаб Toyota Land Cruiser Prado’ларга Wi-Fi нуқтаси ва Toyota Connected Services функциялари ўрнатилган бўлиб, у автомобиллар ўртасидаги алоқани таъминлайди ва MyT дастури ёрдамида Android ёки iOS асосдаги смартфонлар орқали бошқариш имконини беради.
Шунингдек, янги функциялар қаторидан қуйидаги янгиликлар ҳам ўрин олган:
- «Менинг автомобилимни топиш» функцияси йўлтанламас қаерда турганини харитада кўрсатади;
- «Маршрутни режалаштириш» орқали олдиндан ҳаракат йўналишини белгилаб олиш ва уни автомобилнинг навигацион тизимига юбориш;
- «Сервис ва техник хизмат кўрсатиш» автомобилга хизмат кўрсатиш тарихини билиш ва энг яқин белгиланган нуқтагача қанча километр қолганини кўриш;
- «Ҳаракат тарихи» — кенгайтирилган статистикадан фойдаланиш, жумладан, масофа узоқлиги, ўртача тезлик, шунингдек, тезланиш ва тормозланиш сони;
- Қурилмалар панелидаги индикаторлар барча назорат лампаларининг вазифасини тушунтириб бера олади.
Автомобиль ички SIM-картага эга махсус маълумотларни узатиш модули билан жиҳозланади. Машина эгаси бир йил давомида ҳар ой олдиндан тўлаб қўйиладиган 10 гигабайт трафикдан фойдаланиши мумкин. 70th Anniversary махсус сериясидаги автомобиль 4 литрли бензин двигатель билан жиҳозланган бўлиб, унинг нархи 64 минг доллардан бошланади. Шунингдек, моделнинг 2,8 литрли моторга эга дизель версияси ҳам мавжуд.
Аввалроқ Toyota янги авлод Tundra пикапининг видеотизерини намойиш этгани, интернетда янги Toyota Land Cruiser 300’нинг илк видеоси пайдо бўлгани тўғрисида хабар берилганди.
Изоҳ (0)