Германиядаги AutoScout24 онлайн майдончасида 1952 йилда ишлаб чиқарилган қора «ГАЗ-12 ЗИМ» сотувга қўйилди. Сўнгги 40 йил давомида гаражда ҳаракатсиз турган лимузин 25 минг еврога баҳоланмоқда, деб хабар беради Motor.
«ГАЗ-12 ЗИМ» 1948 йилдан 1960 йилга қадар ишлаб чиқарилган. Горкий автомобиль заводи конвейеридан жами 21,5 минг нусха лимузин чиққан бўлиб, автомобилларнинг аксарияти СССР ҳукумати вакиллари ўринбосарларининг автопаркларини тўлдирган.
Сотувга қўйилган нусха сўнгги 40 йил давомида илиқ гаражда ҳаракатсиз сақланган. Сотувчининг сўзларига кўра, лимузин ўзининг заводдаги лак-бўёғини тўлиқ сақлаб қолган ва интерьери ҳам оригинал. Бироқ йиллар давомидаги ҳаракатсизлик «ГАЗ-12»нинг ташқи кўринишига таъсир кўрсатмай қолмаган. Машина экстереридаги хромланган деталларда занг пайдо бўлган, айрим туб қисмларида коррози ўчоғини учратиш мумкин.
Ушбу лимузин 90 от кучига эга 3,5 литрли бензин двигатель ёрдамида ҳаракатга келади. Агрегат механик узатмалар қутиси ёрдамида бошқарилади. Ҳозирга қадар 100 минг километр йўл босган «ГАЗ-12 ЗИМ» 25 минг еврога баҳоланмоқда.
Аввалроқ Германияда Брежневга тегишли бўлган «Чайка» яна бир бор сотувга қўйилгани, Японияда салонида биллур қандили бор Cadillac лимузини сотилаётгани тўғрисида хабар берилганди.
Изоҳ (0)