Украинанинг Днепр шаҳрида истоқмат қилувчи автомобиль ишқибозлари ўз қўллари билан ҳақиқий пойга спорткарини йиғди. Бунда пойга машинасининг асосини эски «ЗАЗ-968» модели ташкил этган, деб хабар беради CARakoom.
Лойиҳа муаллифларининг биринчи даражадагии вазифаси — икки эшикка эга орқа моторли машинанинг оғирлигини максимал даражада енгиллаштириш бўлган. Бунинг учун кузовнинг айрим қисмларини янги элементларга алмаштиришга тўғри келган.
Масалан, машинанинг капоти ва асосий оптикаси ўзгарган. Салонидаги барча ортиқча буюмлардан, ҳатто орқа дивандан воз кечилган. Олд ўриндиқлар ҳам анча енгил ва хавфсиз спорт «ковшларига» алмаштирилган. Бундан ташқари, салонига пойга учун мўлжалланган барча қурилма ва датчиклар ўрнатилган.
Шундан сўнг, хавфсиз пўлат каркас ва кучайтирилган юриш қисми орқали автомобилга катта ишонч берилган. Муҳандисларнинг сўзларига кўра, машина ёмон йўлларда ҳам ҳаракатланишга қодир. Шу сабабли пойга «ЗАЗ»ига кенг шиналар «кийгизилган».
Ралли «Запорожец»ини енгиллаштириш мақсадида унга янги поршнлар ва маховик, Т-симон лапанлар ва клапнлар пружинасининг титанли «тарелка»лари ўрнатилган. Охир-оқибат стандарт «ЗАЗ» мотори олдинги 45 от кучи ўрнига 60 от кучини тақдим эта бошлаган. Бу автомобилни соатига 140 километр тезликда ҳаракатланишини таъминлаган.
Маълумот учун, «ЗАЗ-968» модели 1971 йилдан 1994 йилга қадар ишлаб чиқарилган. У «ЗАЗ-966» моделининг ўрнини эгаллаган бўлиб, кўп жиҳатдан уни такрорлаган.
Аввалроқ Британия аукционида 52 йиллик «Запорожец» 11 минг долларга сотилаётгани, 34 йил гаражда турган «Запарожец» 6500 долларга баҳолангани, Украинада «Запорожец» Zazerati «суперкари»га айлантирилгани тўғрисида хабар берилганди.
Изоҳ (0)