Бугун,

  • USD 11095.31
  • RUB 173.84
  • EUR 10772.44

Перуда коронавирусдан вафот этганлар сони илгари ҳисобланганидан икки баравар кўп. Бу ҳақда Жонс Ҳопкинс университети маълумотларига таяниб BBC хабар берди.

Фото: Getty Images

Фото: Getty Images

Мавжуд маълумотлар қайта кўриб чиқилганидан сўнг Перуда COVID-19 оқибатида 180 мингдан ортиқ одам вафот этгани аниқланди. Илгари 69 минг кишининг вафоти маълум эди.

Янги маълумотлар 33 миллион аҳоли истиқомат қиладиган ушбу мамлакатда аҳоли жон бошига тўғри келадиган ўлим коэффициентини дунёдаги энг юқори кўрсаткичга айлантирмоқда. Перунинг 100 минг аҳолисига 500 ўлим тўғри келмоқда. Илгари бу борада Венгрия 100 минг кишига 300 ўлим кўрсаткичи билан етакчи эди.

Таққослаш учун, Перуга қўшни Колумбияда COVID-19 туфайли 88 мингдан ортиқ киши вафот этган. Бразилия коронавирус қурбонлари сонининг кўплиги бўйича дунёдаги энг юқори ўринлардан бирига эгалик қилади, шу билан бирга мамлакатда 211 миллион кишига 460 минг ўлим тўғри келади.

Перу бош вазири Виолета Бермудеснинг сўзларига кўра, ўлимлар сони ҳақидаги янги маълумотлар Перу ва халқаро экспертларнинг таҳлилларига асосланган. Ушбу рақамлар ўтган йилларга нисбатан ўлимнинг ҳаддан зиёд юқори бўлган кўрсаткичлари ўрганиб чиқилганидан сўнг олинган.

BBC таъкидлашича, соғлиқни сақлаш тизимининг ҳолдан тойгани ва кислород етишмовчилиги сабабли Перу Лотин Америкасидаги COVID-19’нинг оғир зарбасига учраган мамлакатлардан бирига айланди. Пандемия бошланганидан бери Перуда 1,9 миллиондан ортиқ кишида инфекция қайд этилди.

Таъкидланишича, аксарият перуликларда музлатгич йўқлиги инфекциянинг тарқалишига ёрдам бермоқда: шундай шароитда одамлар деярли ҳар куни дўкон ва бозорларга боришга мажбур бўлмоқда.

Перуда февраль ойининг биринчи ярмида аҳолини COVID-19’га қарши эмлаш ишлари бошланган.

Изоҳ
Асосий янгиликлар
Маҳаллий
Туркманистон Ўзбекистонга текинга газ етказиб беради 
Маҳаллий
Тошкентда кўприк устидаги “Газел” ёниб кетди (видео)
Бизнес
Россиядан Осиёга кўмир экспорти нархи ошгани маълум қилинди