Eng yaxshi hordiq chiqarish – bu film tomosha qilish. Ular goh kuldiradi, gohida yig‘latadi. Film orqali gohida butun dunyoni kezib chiqish, ba’zida begona qahramonlarga hamdard bo‘lish ham mumkin. Quyida xuddi shunday xususiyatlarga ega hech kimni befarq qoldirmaydigan 15 ta film bilan tanishib chiqish va ularni, albatta, tomosha qilish tavsiya etiladi.

“Qora quloqli oq Bim”

Foto: AdMe

Ushbu kartina shubhasiz, bolalik xotiralarni yodga soluvchi eng ta’sirchan film. Yosh bilan bog‘liq barcha narsaning o‘zgarishi, sevimli egasini yo‘qotgan itning taqdiri, sadoqat va rostgo‘ylik, insonlarning aslida kim ekanligini hikoya qiluvchi voqealarni o‘z ichiga oladi.

“Sun’iy ong”

Foto: AdMe

Uzoq kelajakda o‘lik insonlar ajoyib va murakkab robotlar bilan yonma-yon yashaydi. Robot bola Devid ham aqlini namoyish etish uchun dasturlashtirilgan. Biroq uning insonlardan tashkil topgan oilasi bu kabi hissiyotning oqibatiga tayyor emas.

“Sevishga shoshiling”

Foto: AdMe

Oddiygina injiq yigit va a’lochi talaba qizning sevgi hikoyasini hamma vaqt ham buyuk asar deb atash qiyin. Muhabbat istaganda mo‘jiza yaratishi mumkin. Hayot esa qandaydir ertakka o‘xshab ketishi tabiiy. Faqatgina haqiqat bilan to‘qnashuv bir nechta voqealarni o‘zgartirib yuboradi. Ammo mo‘jiza va orzular uchun, albatta, o‘rin topiladi.

“Yashil yo‘lak”

Foto: AdMe

Stiven Kingning o‘limga mahkum etilgan g‘ayrioddiy mahbus Jon Koffi haqidagi romani asosida yaratilgan mistik drama bir vaqtning o‘zida nafaqat tomoshabinlarni, balki tanqidchilarni ham hayratga solgan. Kartina chindan ham muvaffaqiyatga erishgan.

“Osmonga yetishish uchun”

Foto: AdMe

Filmda jiddiy kasallikka chalingan ikki do‘stning hikoyasi har qanday tomoshabinni yig‘latadi. Qizig‘i shundaki, film tomoshasidan so‘ng hech kim og‘irlashib qolmaydi, aksincha yashash uchun o‘zida kuch topadi.

“Xatiko: Eng sodiq do‘st”

Foto: AdMe

Film – hayotiy voqealarga asoslangan. Uni universitet professori Parker Uilson vokzaldan topib olgan va ular qalin do‘stga aylangan. Hattoki bu do‘stlik uzoq yillar davom etgan.

“Farishtalar shahri”

Foto: AdMe

Farishtalar ham insonlar bilan birga yashasa hayot qanday bo‘lishi mumkin? Ushbu film qahramoni farishtalarga duch kelmaguncha ularga ishonmas edi. Ammo film inson hayoti go‘zalligini va dunyoda yashashga arziydigan narsalar borligini yodga soladi.

“Yaxshilik qil”

Foto: AdMe

Filmda bolakay Trevor dunyoni o‘zgartirish bo‘yicha o‘z nazariyasini ishlab chiqadi. Uning mohiyati juda oddiy: “Men senga yordam beraman, sen yana uchtasiga yordam berasan”. Kartinada insonlarning bir-biriga yaxshilik qilish g‘oyasi ilgari surilgan.

“Pianinochi”

Foto: AdMe

Film urushning barcha mashaqqatlariga dosh bergan, o‘tgan asrning 30-yillaridagi Polshaning eng yaxshi pianinochilaridan biri Vladislav Shpilmanning tarjimayi holiga asoslangan. Ajoyib musiqa va voqealar tizimi uchun ham filmni tomosha qilish tavsiya etiladi.

“Terabitiya mamlakati sari”

Foto: AdMe

Ushbu filmda hech qanday fantastik to‘qnashuv mavjud emas. Film o‘z dunyosini yaratishga urinayotgan bolalar haqida. Bu kabi filmni hissiyotlarga berilmasdan tomosha qilishning o‘zi mumkin emas.

“Millionga teng qizaloq”

Foto: AdMe

Filmda ortiqcha narsaning o‘zini topib bo‘lmaydi. U hayotni qanday bo‘lsa, boricha namoyish etadi. Hayot qiyinchiliklarga boy, faqatgina qat’iyatli, jasur va maqsadi bor odamgina unga javoban kurash olib borishi mumkin.

“Xotira kundaligi”

Foto: AdMe

Qariyalar uyidagi keksa ayolning kundalik daftarida ta’sirli sevgi haqida hikoya qiladi. Bu xotiralar tomoshabinni uxlashga qo‘ymaydi, tinimsiz bezovta qiladi. Qisqasi, filmni tomosha qilib, bunga amin bo‘lish kerak.

“Yo‘l-yo‘l pijamali bola”

Foto: AdMe

Asarda Berlinda yashayotgan to‘qqiz yoshli nemis bolasining otasi muhim mansabga o‘tayotgani uchun oilasi bilan boshqa joyga ko‘chib o‘tishga majbur bo‘ladi. Bruno yangi joyni yoqtirmaydi, zerikadi, o‘ynashni xohlaydi, lekin atrofda hech kim yo‘q. U derazadan yo‘l-yo‘l pijamalarda yurgan odamlarni ko‘rib qoladi va o‘sha hududni o‘rganishga boradi. U yerda yangi do‘sti – panjaraning narigi tomonida, konslager hududida o‘tirgan yahudiy bolakay Shmuel bilan tanishadi. Ularning do‘stligi kutilmagan voqealar ro‘y berishiga sabab bo‘ladi.

“O‘gay ona”

Foto: AdMe

Mazkur kartina sof tuyg‘ular, onalik, sadoqat va yengish qiyin bo‘lgan holatlar haqidagi film. Dramada Syuzan Sarandon va Juliya Roberts ijrosidagi bosh qahramonlarning murakkab va ziddiyatga boy xarakterlari ochib berilgan.

“Orzular qayerga olib boradi?”

Foto: AdMe

Bosh qahramon avtohalokatda vafot etadi, ammo u turmush o‘rtog‘idan ayrilishni xohlamaydi. Robin Uilyamsning ajoyib dramatik roli film voqealarini yanada boyitgan.