Англия Премьер Лигаси 2020/21 йилги мавсумнинг энг яхши мураббийи номига номзодлар рўйхатини эълон қилди.
Унга кўра якуний рўйхатдан 5 нафар мутахассис ўрин олди. Булар: Пеп Гвардиола («Манчестер Сити»), Оле-Гуннар Сульшер («Манчестер Юнайтед»), Брендан Рожерс («Лестер»), Дэвид Моес («Вест Ҳэм») ва Марсело Бьелса («Лидс»).
Гвардиола «Манчестер Сити» билан Премьер Лига ғолиблигини қўлга киритди. Сульшер «Манчестер Юнайтед» билан мусобақа жадвалида иккинчи ўринни эгаллаган бўлса, Рожерснинг «Лестер»и бешинчи поғонани банд этиб, Европа Лигаси йўлланмасига эга чиқди.
Моес бошқарувидаги «Вест Ҳэм» олтинчи поғонани эгаллади. Ўтган мавсумда юқори дивизионга чиққан «Лидс» эса Марсело Бьелса билан 59 очко жамғариб, 9-ўринни эгаллади.
Изоҳ (0)