Бокс бўйича катталар ўртасидаги Осиё чемпионатининг финал баҳслари 31 май, душанба куни ўтказилади.
Ўнта вазн тоифасининг еттитасида ўзбекистонлик боксчилар финалга қадар етиб келган.
Шаҳобиддин Зоиров мусобақада биринчи рақамда сараланган ҳиндистонлик Амит билан тўқнаш келади. Ўз вазн тоифасининг етакчилари бўлган Миразизбек Мирзахалилов ва Бобоусмон Ботуров иккинчи рақамли боксчиларга қарши рингга кўтарилади.
Мусобақанинг энг марказий жанги оғир вазн тоифаси вакиллари ўртасида кечади. Унда ўзбекистонлик боксчи Баҳодир Жалолов Қозоғистон вакили Камшибек Кункабаевга қарши жанг қилади.
Финал жанглари Тошкент вақти билан 19:00 дан кейин бошланади. Жанглар видеосини бу ерда кузатиб бориш мумкин — ҳавола.
Финал жуфтликлари билан танишинг:
- -49 кг: Нодиржон Мирзааҳмедов — Даниял Сабит (Қозоғистон)
- -52 кг: Шаҳобиддин Зоиров — Амит (Ҳиндистон)
- -56 кг: Миразизбек Мирзахалилов — Харку Энх-Амар (Мўғулистон)
- -60 кг: Эрденебат Цендбатар (Моғулистон) — Даниял Шоҳбаҳш (Эрон)
- -64 кг: Шива Тапа (Ҳиндистон) — Батарсух Чинзориг (Мўғулистон)
- -69 кг: Бобоусмон Ботуров — Аблайхан Жусупов (Қозоғистон)
- -75 кг: Саиджамшид Жафаров — Абилхан Аманкул (Қозоғистон)
- -81 кг: Дилшодбек Рўзметов — Мейсам Гешлаги (Эрон)
- -91 кг: Василий Левит (Қозоғистон) — Санжит (Ҳиндистон)
- +91 кг: Баҳодир Жалолов — Камшибек Кункабаев (Қозоғистон)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)