Агар SARS-CoV-2 коронавирусининг келиб чиқиш сабабини тушунмасак, келажакда инсоният янги пандемияга дуч келиши мумкин. Бу ҳақда Техасдаги болалар шифохонаси Вакциналарни ишлаб чиқариш марказининг ҳамраиси Питер Хотез айтиб ўтди.
«Ҳозирги пандемия учинчиси. Она табиат бизни келгусида нима юз бериши ҳақида огоҳлантирмоқда: агар COVID-19’нинг келиб чиқишини тўлиқ англамасак, олдинда COVID-26 ва COVID-32 эпидемияси ҳам пайдо бўлади», — деди у.
Хотезнинг фикрига кўра, COVID-19 келиб чиқиши бўйича тўғридан-тўғри Хитойнинг Ухань шаҳрида текширув ўтказиш керак.
Олимнинг сўзларига кўра, дастлабки иккита глобал эпидемия сифатида SARS атипик пневмонияси (2000 йил бошларидаги) ва Яқин Шарқдаги MERS респиратор синдромининг (биринчи марта 2012 йилда хабар қилинган) тарқалишини олиш мумкин.
Аввалроқ Microsoft асосчиси ва собиқ раҳбари Билл Гейтс янги пандемиянинг бошланиш муддатини тахмин қилган эди. Шунингдек, у Европа Иттифоқи ва АҚШнинг пандемия бошида йўл қўйган энг катта хатоси ҳамда пандемиядан кейин инсоният дуч келадиган иккита хавф ҳақида гапирган.
Эслатиб ўтамиз, АҚШ ва Буюк Британия 28 май куни Жаҳон соғлиқни сақлаш ташкилоти (ЖССТ)ни Хитойда коронавируснинг келиб чиқиши устида чуқурроқ тадқиқотлар олиб боришга чақирди.
Изоҳ (0)