Арвоҳлар учун тузоқ ва олтин ванна: Юлдузларнинг катта маблағ эвазига қилган харидлари

Молиявий аҳволи ҳақида ўйламай пул сарфлайдиган юлдузларнинг ғалати харидлари ҳақида маълумот бериб ўтамиз.

Леди Гага

Хонанда 2010 йилги концертидан аввал майдонни руҳлардан тозаламоқчи бўлган ва ёрдамчиларидан арвоҳларни овловчи махсус қурилма келтиришларини сўраган. Концерт омадли ўтганидан кейин қурилма учун сарфлаган 50 минг долларига мингдан минг рози бўлган.

Жонни Депп

«Кариб денгизи қароқчилари» юлдузи берган интервьюларидан бирида дўсти, журналист Хантер Томпсоннинг хокини махсус замбаракдан ҳавога сочиш учун 5 миллион доллар сарфлаганини таъкидлаган. Унинг ўзи бу қилган ишидан мамнун.

Николас Кейж

Коллекциясига алламбало буюмлар сотиб олиш учун маблағларини кўкка совурадиган Николаснинг инқирозга учраш эҳтимоли кўп бўлган. Унинг уйида 276 минг долларга харид қилинган динозавр суяклари ҳамда 1,6 миллион долларлик комикслар тўпламини учратиш мумкин.

Селин Дион

Саломатлигига ҳаддан ортиқ эътиборли бўлган хонанданинг Лос-Анжелесдаги уйига 2 миллион доллар сарфлаб, ҳаво намлантирувчи восита олгани мухлисларини ҳайрон қолдирган.

Леонардо Ди Каприо

Ди Каприонинг ўзи гавдалантирган «Буюк Гетсби»даги қаҳрамони билан ўхшашликлари кўп. У ҳам уйида зиёфатлар уюштиришни яхши кўради. 2012 йилда туғилган кунини нишонлаш учун 3 миллион долларга Armand de Brignac шампан виносидан 18 қути буюртма бергани бунинг исботи. Шу билан бирга, актёр хайрия ишларини ҳам унутмаган ва байрам давомида Қизил Хоч жамғармаси ва «Сенди» бўронидан азият чекканлар учун маблағ тўплаган. Ташриф буюрган меҳмонлардан жами 500 минг доллар маблағ йиғилган.

Майк Тайсон

Боксчининг хонадонидан нархи 2 миллион долларни ташкил қиладиган, олтиндан ишланган ванна ўрин олган. Спортчи ваннани рафиқаси Робин Гивенс учун харид қилган. «Мени пул ва шунга ўхшаш нарсалар ташвишга солмайди. Агар сарфлаган пулларим ҳақида қайғурганимда ҳозир жиннихонада бўлган бўлардим», — деган у.

Ким Бейсингер

1989 йилда Ким Жоржия штатидаги Браселтон шаҳрини сотиб олган. Бунинг учун 20 миллион доллар сарфлаган Бейсингер у ерни йирик туристик марказга айлантиришни режалаштирган, аммо уринишлари омадсиз якун топган.