АОКАда Коронавирусга қарши курашиш штаби аъзоси Ботир Қурбонов иштирокида ўтказилган брифингда Ўзбекистонда COVID-19’га қарши эмлаш тадбирлари ҳақида маълумот берилди.
Қайд этилишича, 25 май куни мамлакат бўйлаб COVID-19’га қарши 40 372 доза вакцина қўлланилди. Бугунги кунгача жами 1 миллион 683 мингдан кўпроқ доза вакцинадан фойдаланилди ва 1 миллион 212 597 нафар шахс инфекцияга қарши эмланди. Яъни 470 минг нафар киши икки мартадан вакцина олишга улгурган.
Кунлик эмлаш кўрсаткичлари бўйича Тошкент шаҳри, Наманган ва Тошкент вилоятлари етакчилик қилмоқда.
Бугунги кунгача Ўзбекистонда эмланганларнинг 62,5 фоизи (тахминан, 757 874 нафари) ZF-UZ-VAC2001 вакцинаси, 34 фоизи (тахминан, 412 283) AstraZeneca’нинг Covishield ва 3,5 фоизи (тахминан, 42 440) «Спутник V» вакцинаси билан қамраб олинган.
Бир маротаба вакцина олган шахслар иккинчи марта эмланиш учун мурожаат қилиши режадан орқада қолмоқда. Биринчи бор эмланганлар 28 кун ичида тиббиёт муассасаларига иккинчи бор эмланиш учун мурожаат қилишлари лозимлиги қайд этилган.
Мавзуга доир: Организмда антитаналар миқдори юқори бўлса, вакцина олмаса ҳам бўладими? Мутахассис жавоб берди
Изоҳ (0)