Тошкент шаҳар ҳокими Жаҳонгир Ортиқхўжаев 21 май, жума куни «Тошкент беш ташаббус ҳаракати» ёшлар фестивали доирасида ташкил қилинган матбуот анжуманидан сўнг ОАВ вакилларига берган интервьюсида Ўзбекистонда кадрлар етишмаслигининг сабаблари ҳақидаги саволга жавоб қайтарди. Бу ҳақда «Дарё» мухбири хабар бермоқда.
«Кадрлар кўп, ишчилар кўп, етарли. Лекин ўша ишга мос кадрлар етишмовчилиги бор. Ҳозирги янги, ўзгараётган ҳаётга мослашувчан кадрлар йўқ. Албатта, шу каби тадбирлар, ташаббуслар орқали бизга келажакдаги кадрлар етишиб чиқишига ишончим комил», — деди пойтахт ҳокими.
Эслатиб ўтамиз, Жаҳонгир Ортиқхўжаев яхши гапиришни билмаслиги, зўр спикер эмаслигини қайд этиб, «Одам ё ишлаши керак, ё гапиришни билиши керак. Мен ишлашни маъқул кўрганман», деган эди.
Изоҳ (0)