Ташқи ишлар вазири Абдулазиз Комилов 26 май куни Туркманистон президенти Гурбангули Бердимуҳамедов билан учрашди.
ТИВ матбуот хизматининг хабар беришича, Ўзбекистон делегацияси раҳбари сифатида Ашхобод шаҳрига амалий ташриф билан келган Абдулазиз Комилов Гурбангули Бердимуҳамедов томонидан қабул қилинди. Вазир унга Ўзбекистон Президенти Шавкат Мирзиёевнинг самимий сўзлари ва эзгу тилакларини етказди.
Учрашувда олий даражадаги ташрифлар доирасида эришилган келишувларнинг ижроси юзасидан фикр алмашилган. Икки томонлама алоқалар ва минтақавий ҳамкорликка доир долзарб масалалар кўриб чиқилган.
Савдо, инвестициялар, саноат кооперацияси, транспорт, энергетика, машинасозлик, енгил саноат ва озиқ-овқат саноати, қишлоқ ва сув хўжалиги соҳаларида мавжуд салоҳиятдан янада тўлиқ фойдаланиш зарурлиги таъкидланган.
Томонларни қизиқтирган бошқа масалалар ҳам муҳокама қилинган.
Изоҳ (0)