Йўл-транспорт ҳодисаси оқибатида 26 май куни Нурафшон шаҳар ИИБ бошлиғи, подполковник Наврўз Омонбоев вафот этди. Бу ҳақда Тошкент вилояти ҳокимлиги матбуот хизмати хабар берди.
Хабарда айтилишича, автоҳалокат соат 04:30 атрофида Ўрта Чирчиқ туманида жойлашган «Кучлик» нефть база яқинида юз берган.
Наврўз Омонбоев 1985 йилда Зангиота туманида туғилган. Шаҳар ИИБ бошлиғи лавозимида бир йилдан кўпроқ вақт давомида ишлаб келаётганди.
Эслатиб ўтамиз, 2020 йилнинг 1 сентябрида Тошкентда ЙПХ инспектори сержант Салим Умаров Lacetti уриб юбориши оқибатида, 4 сентябрда эса Самарқанд вилояти Паст Дарғом тумани ИИБ профилактика инспектори Равшан Боқиев Damas уриб кетиши оқибатида вафот этганди.
Изоҳ (0)