Мадриднинг «Реал» клуби Испания чемпионатини иккинчи ўринда якунлади. «Атлетико» сўнгги турда ғалаба қозонган ҳолда чемпионлик масаласини ҳал қилди.
Шу тариқа «Реал» 2020/21 йилги мавсумни совринсиз якунлайдиган бўлди. Бунақаси 2009/10 йилги мавсумдан бери илк бор кузатилди. Ўшанда жамоага Мануэль Пеллегрини устозлик қилганди.
Шунингдек, жамоа Зинедин Зидан қўл остида биринчи марта мавсумни совринсиз якунлади.
«Реал» Чемпионлар Лигаси ярим финалга қадар етиб борди ва икки ўйин натижасига кўра «Челси»га енгилди (1:1, 0:2). Январь ойида мадридликлар Испания Суперкубогида «Атлетик Б»га мағлуб бўлган (1:2), Испания Кубогида эса «Алкояно» (1:2) тўсиғидан ўта олмаганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)