Роберт Левандовски Бундеслига рекордини ўрнатди

Футбол бўйича Германия Бундеслигасининг 2020/21 йилги мавсуми якунланди.

Мавсум якунига кўра «Бавария» ҳужумчиси Роберт Левандовски 41 та гол билан энг яхши тўпурар деган мақомга эришди. Бунинг учун унга 29 та ўйин етарли бўлди. Шу тариқа польшалик ҳужумчи кетма-кет 4-мавсумда йилнинг энг яхши тўпурари бўлди, бу лига рекорди ҳисобланади.

Шунингдек, 32 ёшли футболчи Германия чемпионатининг бир мавсумида 41 та гол уриб, Мюнхен клубининг собиқ ҳужумчиси Герд Мюллернинг рекордини янгилади. Мюллер «Бавария» таркибида 1971/72 йилги мавсумда бир мавсум доирасида 40 та гол урган. Аввалроқ Левандовскининг ўзи мазкур рекордни такрорлашга муваффақ бўлганди.

Маълумот учун, Роберт 2014 йилда «Боруссия Д» сафидан «Бавария»га ўтган. Унинг мюнхенликлар билан амалдаги шартномаси 2023 йилнинг ёзига қадар мўлжалланган.