Meduza нашри Перм ўлкасининг Лисва шаҳрида яшовчи Гоша лақабли қарға ўз эгасига унинг шиппагини олиб келиб бергани тасвирланган видео билан бўлишди.
Аввалига Гоша ундан нима хоҳлашаётганини тушунмаган — адашиб қўлқопни олиб келган. Қарға эгаси қушга бироз тушунтиришга мажбур бўлган. Бу эса деярли фойда берган: бироқ Гоша шиппакнинг биттасини олиб келган ва хурсандлигидан сакрай бошлаган.
Шиппакнинг иккинчи пойини олиб келишга эса анча вақт кетган, аммо охир-оқибат қарға хўжайинининг илтимосини бажарган. Шундан сўнг Гоша ва унинг эгаси сайрга чиқиб кетган.
Эслатиб ўтамиз, 2018 йилда Сурхондарёда Шодибек Чориев исмли йигит Гоша лақабли гапирувчи қарғаси билан машҳур бўлганди.
Мавзуга доир: Австралияда тўтиқуш эгасини ўлимдан сақлаб қолди
Изоҳ (0)