АҚШнинг Жоржия штатида Эбби Нелсон исмли аёл ўзининг Суэйзи лақабли беш ёшли мушуги билан яшайди. Мушукнинг Instagram’даги саҳифасида 32 мингдан ортиқ обуначиси бор, бунга унинг жуда катталиги сабаб бўлган — уй ҳайвонининг оғирлиги 7,5 килограммни ташкил этади, деб ёзади Motor.
Нелсон нима сабабдан мушуги бу қадар семизлигини тушуна олмаяпти, ветеринарлар эса унинг мутлақ соғлом эканлигини таъкидламоқда. Суэйзи Нелсоннинг бошқа мушукларига қараганда икки баробар камроқ овқатланса-да, озмаяпти. Эгасининг айтишича, махсус диета ҳам мушукка ёрдам бермаган: Суэйзи унинг ёрдамида бир килограммдан ортиқ вазн ташлаган, холос.
«Унинг овқатини чеклаганим сабаб бироз озди, аммо барибир вазни 7,5 килограмм. Унга кунига икки марта намлантирилган овқатини ярим банкадан бераман, баъзида 1/8 стакан қуруқ егулик», — дейди мушук эгаси.
Суэйзи доим ҳам бу қадар семиз бўлмаган. Тўрт ойлигида у бошқа мушуклар каби бўлган. Ҳозирда у бошқа мушуклардан ғалати ҳаракати билан ажралиб туради — деярли ҳар куни ниманидир тутишга урингани каби олд панжаларини кўтариб туради. Бу ҳаракатни у мунтазам такрорлаб келмоқда.
Мавзуга доир: Шардек думалоқ, бироқ семиз эмас. Ноодатий кўринишга эга мушук интернет фойдаланувчиларини қизиқтириб қўйди (фото)
Изоҳ (0)