Иқболжон Эргашев Фарғона вилояти ҳокими ўринбосари — Инвестициялар ва ташқи савдо бошқармаси бошлиғи этиб тайинланди, дея хабар берди «Дарё» мухбири.
Маълум бўлишича, Иқболжон Эргашев 2016 йилдан тайинловга қадар Ўзбекистоннинг Бирлашган Араб Амирликлари (БАА)даги элчихонасида савдо-иқтисодий масалалар бўйича маслаҳатчи вазифасида фаолият олиб борган.
У 1981 йил вилоятнинг Қува туманида туғилган бўлиб, Фарғона давлат университети ҳамда Стратегик таҳлил ва истиқболни белгилаш олий мактабини тамомлаган. 2002—2010 йилларда Ташқи иқтисодий алоқалар, инвестиция ва савдо вазирлиги вилоят бошқармасида, 2010—2016 йилларда Ташқи иқтисодий алоқалар, инвестиция ва савдо вазирлигида турли масъул лавозимларда ишлаган.
Эслатиб ўтамиз, 2021 йилнинг 4 майида Фарғона вилояти ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари — вилоят Туризм ва спорт бош бошқармаси бошлиғи лавозимига Хуршиджон Аҳмедов тайинланганди.
Изоҳ (0)