Iqboljon Ergashev Farg‘ona viloyati hokimi o‘rinbosari — Investitsiyalar va tashqi savdo boshqarmasi boshlig‘i etib tayinlandi, deya xabar berdi “Daryo” muxbiri.
Ma’lum bo‘lishicha, Iqboljon Ergashev 2016-yildan tayinlovga qadar O‘zbekistonning Birlashgan Arab Amirliklari (BAA)dagi elchixonasida savdo-iqtisodiy masalalar bo‘yicha maslahatchi vazifasida faoliyat olib borgan.
U 1981-yil viloyatning Quva tumanida tug‘ilgan bo‘lib, Farg‘ona davlat universiteti hamda Strategik tahlil va istiqbolni belgilash oliy maktabini tamomlagan. 2002—2010-yillarda Tashqi iqtisodiy aloqalar, investitsiya va savdo vazirligi viloyat boshqarmasida, 2010—2016-yillarda Tashqi iqtisodiy aloqalar, investitsiya va savdo vazirligida turli mas’ul lavozimlarda ishlagan.
Eslatib o‘tamiz, 2021-yilning 4-mayida Farg‘ona viloyati hokimining turizm, sport, madaniyat, madaniy meros va ommaviy kommunikatsiyalar masalalari bo‘yicha o‘rinbosari — viloyat Turizm va sport bosh boshqarmasi boshlig‘i lavozimiga Xurshidjon Ahmedov tayinlangandi.
Izoh (0)