Ўзбекистонда ишлаб чиқарилган «Тарлон» зирҳли автомобилининг дастлабки синов жараёнлари бўлиб ўтди, дея хабар бермоқда Мудофаа саноати қўмитаси.
Қайд этилишича, Ўзбекистон Республикаси Қуролли Кучлари тизимидаги вазирлик ва идораларнинг буюртмасига мувофиқ, Мудофаа саноати комплекси корхоналарида лойиҳалаштирилган ва ишлаб чиқарилган, замонавий талабларга жавоб берадиган «Тарлон» енгил зирҳланган автомобили куч тузилмалари вазирлик ва идораларининг бир гуруҳ мутахассислари томонидан қўшинлар синовидан ўтказиляпти.
Ушбу тадбирларнинг дастлабки босқичида «Тарлон»нинг баллистик ҳимояси белгиланган стандартлар асосида текширилди, юриш ва турли тўсиқлардан ўтиш қобилияти республиканинг тоғ-адир ва кесишган зоналарида синовдан ўтказилди.
Изоҳ (0)