Bugun,

  • USD 11095.31
  • RUB 173.84
  • EUR 10772.44

O‘zbekistonda import o‘rnini bosuvchi zirhli avtomobillar ishlab chiqariladi. Bu haqda Mudofaa sanoati davlat qo‘mitasi axborot xizmati “Daryo”ga ma’lum qildi.

Mudofaa sanoati davlat qo‘mitasi raisi Oybek Ismoilovning aytishicha, zirhlangan “Qalqon” nomli avtomobil “Kran va maxsus texnikalar” korxonasi bilan hamkorlikda  ishlab chiqarilgan.

“Kran va maxsus texnikalari” korxonasi bilan ishlab chiqarilgan zirhlangan avtomobil texnikasi ko‘zdan kechirildi va ijobiy baho berildi. Zirhli avtomobil barcha xalqaro standartlarga javob beradi”, – dedi qo‘mita raisi.

Uning qo‘shimcha qilishicha, ushbu avtomabil import o‘rnini bosadi.

“Buning nomenklaturasini, turlarini ko‘paytirish masalasi bo‘yicha Prezidentimiz tomonidan qo‘shimcha ko‘rsatmalar berildi. Albatta, bu ishlarni amalga oshiramiz. Shu bilan birgalikda, mavjud hozirgi mahsulotimiz ham, bundan keyingi mahsulotlarimiz ham eksport qiluvchi mahsulotlar tarkibiga kirishiga harakat qilamiz”, – dedi Oybek Ismoilov.

“Kran va maxsus texnikalar” korxonasi direktorining o‘rinbosari Anvar Karimovning ta’kidlashicha, mazkur avtomobil maxsus qurilmalar va moslamalar bilan jihozlangan.

“Masalan, avtomobilning ekipajini himoyalovchi zirhidan tashqari, uning yoqilg‘i baki va akkumulyator batareyalari ham zirh bilan himoyalangan. Avtomobil o‘zini tortib chiqarish uchun chig‘ir bilan jihozlangan. Evakuatsion lyuklar, eshiklarini ichkaridan qulflash uchun maxsus moslamalar bor”, – dedi u.

Qo‘mita mazkur avtomashinaning qanday imkoniyatlarga egaligi, ishlab chiqarishga qancha mablag‘ ketgani va narxi borasida ma’lumot taqdim etmagan.

Izoh
Asosiy yangiliklar
Dunyo
Rivojlanayotgan davlatlar uchun falokat: AQSH va Yevropa o‘rtasida savdo urushi bo‘lishi kutilyapti
Mahalliy
Farg‘ona va Namangan aeroportlarini quyuq tuman qopladi, reyslar kechikadigan bo‘ldi
Mahalliy
Qoraqalpog‘istonda YPX xodimi radar o‘rnatilgan mashinasida taksichilik qilgani aytilmoqda (video)