Сирдарё вилоятининг Сайхунобод туманида пиёдалар йўлагидан ўтаётган 2-синф ўқувчиси юк машинаси уриб кетиши оқибатида вафот этди. Бу ҳақда вилоят ЙҲХБ матбуот хизмати хабар берди.
Ҳодиса 17 май куни Сайхунобод туман ҳудудидан ўтувчи 4К-675 автомобиль йўлида содир бўлган. 26-мактабнинг 2-синф ўқувчилари йўлни пиёдалар йўлагидан кесиб ўтаётганида улардан бирини «Газ-53» юк машинаси уриб юборган.
Бола шифохонага олиб борилган. Аммо олган оғир тан жароҳатларидан шифохонада вафот этган.
Хабарда айтилишича, ҳодисага юк машинаси ҳайдовчисининг бепарволиги ва пиёданинг йўл қатнов қисмига кескин чиқиб кетиши сабаб бўлган.
Аввалроқ Самарқандда Cobalt мактаб олдидаги пиёдалар йўлагидан ўтаётган 8 ёшли қизни уриб юборгани, Қаршида йўлни кесиб ўтаётган болалар Lacetti остида қолгани, Наманганда Damas уриб юбориши оқибатида 8 ёшли бола вафот этгани, шунингдек, йўлдан ўтаётган мактаб ўқувчиларини босиб кетишига бир бахя қолган Lacetti ҳайдовчиси жаримага тортилгани ҳақида хабар берилган эди.
Изоҳ (0)