Антарктидадан рекорд даражадаги улкан айсберг ажралиб чиқди

Антарктидадан рекорд даражадаги улкан айсберг бўлаги ажралиб чиқди, деб хабар бермоқда Европа Космик агентлиги (ЙКА).

Улкан айсберг бўлагини Ерни кузатувчи қурилма туширган фотосуратларни таҳлил қилаётган Буюк Британия ва АҚШ олимлари пайқаб қолди. Унинг майдони 4320 квадрат километрни ташкил қилади.

Nuevo gran témpano, #A76, de 4.270 Km2!!! en el Mar de Weddell. Esta vez proviene de la Barrera de Hielo Ronne, a 600 Km de la Base Argentina Belgrano II. Así ocurrió durante los últimos 5 días. Esta vez lo podemos observar gracias a la imágenes de la misión Sentinel-1 de la @esa pic.twitter.com/pZJj4M3afB

— Sebastián Marinsek (@sebamarinsek) May 17, 2021

Айсбергга А-76 номи берилди. ЙКАнинг маълумотларига кўра, айсберг бўлагининг эни 170 метрни, узунлиги 25 километрни ташкил қилади.

Таъкидланишича, А-76 Испаниянинг Малорка оролидан бироз каттароқ майдонга эга.

Маълумот учун, 2017 йилда Антарктидадан вазни бир триллион тонна, майдони 6000 квадрат километрни ташкил этувчи А-68 бўлаги ажралиб чиққан эди.