«Женоа» ҳужумчиси Элдор Шомуродов А Серия 36-тури доирасида «Болонья»га қарши кечган 12 май кунги учрашувда (2:0) майдонга тушди.
WhoScored портали ўзбекистонлик футболчининг бу ўйиндаги ҳаракатларини 7,7 баллга баҳолаган. Бу генуяликлар сафида Давиде Заппакоста (8,7 балл) ва Маттиа Периндан (8,5) кейинги энг яхши натижа бўлди. Элдор учрашувда асосий таркибда майдонга тушди ва тўлиқ ҳаракат қилди.
Шомуродов учрашув давомида 42 марта тўпга тегинди. Элдор дароза томон 4 бор зарба берди — 2 та аниқ ва 2 та ноаниқ. Унинг 27 узатмасидан 17 таси (63%) аниқ чиқди. 25 ёшли футболчи майдонда 8 марта яккакурашга киришиб, уларнинг олтитасида муваффақият қозонди. Ҳаводаги курашда 9 уринишнинг учтасида ютиб чиқди.
SofaScore портали эса ўзбекистонлик ҳужумчининг ўйинини 7,8 баллга лойиқ кўрди.
Шомуродов А Серия 2020/21 йилги мавсумида 29 та ўйин ўтказиб, 5 гол ва битта голли узатма амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)