«Дўстлик ритмлари» — ажойиб видеороликлар танлови тобора қизиқарли бўлмоқда. Бугунги кунгача ўзбекистонликларнинг Хитой ва Ўзбекистон ўртасидаги дўстлик ҳамда Хитой ҳақидаги таассуротларига бағишланган ўнлаб ишлари келиб тушган.
Танлов иштирокчилари турли форматдаги роликлар — TikTok учун қисқа ҳикоялар, интервьюлар, кичик фильм ва эскизларни юбормоқда. Ҳали ҳам қизиқарли видеони суратга олиб, ноёб совринни ютиб олишга фурсат бор.
Эслатиб ўтамиз, видеороликлар формати ихтиёрий бўлиши мумкин. Асосийси – креатив ёндашув талаб этилади. Ягона қоида — видеонинг давомийлиги 5 дақиқадан ошмаслиги ва муаллифлик ҳуқуқига оид Ўзбекистон қонунчилиги бузилмаслиги.
Тайёр видеороликларни иштирокчининг алоқа маълумотлари, исми-шарифи ва паспорт рақами билан chinaemb_uz@outlook.com почтасига юбориш мумкин. Танлов ғолиби бош соврин — Huawei мобил телефонига эга бўлади.
Шунингдек, видеороликларнинг ўнта, энг яхши муаллифлари учун ҳам совринлар мавжуд бўлиб, улар учта совринли ўринларга бўлинади. Биринчи ва иккинчи ўрин соҳиблари Huawei мобил телефони, учинчи ўрин эса Huawei планшети билан тақдирланади. Лекин бу ҳали ҳаммаси эмас!
Ғолиблар сафига кира олмаган ўн нафар муаллиф ҳам рағбатлантирувчи совғалар — Huawei мобил телефонига эга бўлиши мумкин. Ғолиблар 19 июнь куни эълон қилинади, тақдирлаш маросими эса 22 июнь куни ўтказилади.
Танлов ҳақидаги батафсил маълумот Хитой Халқ Республикасининг Ўзбекистондаги элчихонаси Telegram каналида тақдим қилинган (ҳавола).
Реклама ҳуқуқи асосида.
Изоҳ (0)