Лана Жоанна Жарвис таниқли блогер бўлиб, у оилавий бюджет ва маблағни тежаш бўйича бир қанча маслаҳатлар беради. Блогер 2019 йилни «харидсиз бир йил» номи остида ўтказди. Бу мақсадсиз харид, харид учун саёҳат ва дам олиш учун савдо марказларида дўстлар билан айланишни англатади. Қилинган харажатлар эса фақатгина керакли бўлиб, йил охирига келиб эса Лана салкам 35 минг доллар тежади. Бу орзудаги уйнинг бир қисмини тўлаш учун етарли эди.
Лара агар ҳали эҳтиёж учун керак бўладиган маҳсулотларни тежашга имкон топа олмаганлар учун ортиқча пул сарфламасликка ёрдам қилувчи 5 та маслаҳат бериб ўтди:
30 кунлик кутиш қоидаси
Агар дўконда бирор буюм ёқиб қолса, пластик картасини очишга шошмаслик зарур. Буюм чиндан ҳам зарур бўлса, ўйлаб кўриш учун 30 кун муҳлат тайинлаш керак. Сўнгра бир ой мобайнида мазкур буюм истаклар рўйхатига киритиб борилсин. Ўтган вақт мобайнида ҳам истак ўзгармаса, демак, уни харид қилиш мумкин.
Ушбу қоида кераксиз сарф-харажатларнинг олдини олади. Ларанинг айтишича, кўпинча инсон вақт ўтиб харид қилган нарсасига муҳтож эмаслигини англайди. Баъзида кайфиятни кўтариш учун ҳам кўйлак сотиб олиш мумкин. Лекин кейинчалик унинг кераксизлиги яққол намоён бўлади.
Овқатланиш режаси
Аввал овқатланиш режаси тузилади ва бир ойлик маҳсулотлар олдиндан сотиб олинади. Сифати тез бузиладиган масаллиқларни ҳар ҳафта харид қилган маъқул. Бу ҳар томонлама тежаш имконини беради. Улгуржи сотиб олинган маҳсулотлар уйда бўлганидан сўнг, уларни дўконма-дўкон излашга ортиқча вақт сарфланмайди.
Овқатланиш режасини ташкил этишнинг яна бир сабаби шундаки, у стрессни енгиллаштиради. Совутгич ҳамиша тўла ва тушлик ёки кечки овқат учун нима тановул қилиниши маълум. Шу тарзда пул, вақт ва саломатликни асраш мумкин.
Нақд пул фойдалироқ
Нақд пул орқали тўлов қилиш ҳамиша тежамкорликни келтириб чиқаради. Харидор бу борада қанча пул сарфлаганини аниқ билиб туради ва ақчаларга эътиборсиз бўлмайди. Пластик карточка орқали қилинган тўловга одатда инсонлар унчалик ҳам аҳамият бермайди ва пулларни шу даражада осон сарфлаб юборилганини ҳам сезмайди.
Ёқтирган либосда суратга тушиш
Гардероб тўла кийим бўлса-да, гўёки киядиган ҳеч қандай либос йўқдек туюлади. Шунинг учун ҳам тез-тез кийим дўконига ташриф буюриш кузатилади. Лара эса шкафни бутунлай назоратга олиш ва ёқтирган либосларни кийиб, суратга тушишни тавсия қилади. Бу орқали шкафда тузукроқ кийим йўқлигини баҳона қилган вақтда, телефондаги суратлар орқали инсон ўзига ярашган либосларни танлаши осон ҳамда самарали.
«Нега» деган саволга жавоб
Агар инсонда катта мақсадлар бўлмаса, демак, унга мотивация етишмайди ва бу тежамкорлик ҳақидаги маслаҳатлар бефойда. Аввал нимага эришиш учун тежамкорликни бошлашни аниқлаб олиш зарур. Бу балки смартфон, машина, саёҳат ёки уй учун тўлов бўлиши мумкин. Ана шу орзуни тасаввур қилиш ва шунга ўхшаш суратни хонага осиб қўйиш тавсия этилади.
Изоҳ (0)