Айни вақтда Лондон ва Италиядаги Комода яшайдиган Амал ва Жорж Клунилар Франциянинг жанубидан нархи 7,9 миллион еврони ташкил қиладиган уй сотиб олмоқчи. Жуфтлик Бринолда жойлашган мазкур уйни харид қилса, Брэд Питтга қўшни бўлади.
Майдони 172 гектарни ташкил қиладиган уй ҳовуз, теннис корти ҳамда 10 гектарлик узумзорни ўз ичига олади. Франциянинг жанубига хос анъанавий услубда қурилган мазкур турар жой деворига токзор чирмашиб ўсганини кўриш мумкин.
Агар Клуни харидни амалга оширадиган бўлса, ҳамкасби Брэд Питт билан тез-тез кўришиб туриши аниқ. Актёрлар «Оушеннинг дўсти» фильмида бирга суратга тушган. Суратга олиш ишлари асосан Италияда Клуни яшайдиган Комо кўли яқинида бўлиб ўтган. Бу ҳақда яхши билган Брэд шаҳар бўйлаб Жоржни фақат жаноб Клуни ёки Дэнни Оушен деб мурожаат қилишларини ва асло унинг кўзига тик қарамасликларини сўрагани акс этган эълонни ёпиштириб чиққан.
«Брэд шаҳарнинг барча аҳолиси кўриши учун эълонларни шаҳарнинг барча телефон устунларига ёпиштириб чиққан. Эртаси куни маҳаллий газеталарда менинг юлдузлик касалига чалинганим ҳақидаги хабарлар чиққан», — деган актёр.
Изоҳ (0)