Футбол бўйича Англия Премьер Лигасининг 2021/2022 йилги мавсуми қачон бошланиш маълум бўлди.
Лига расмий сайтининг ёзишича, янги мавсум 2021 йилнинг 14 августида старт олади. Мусобақанинг тўлиқ тақвими эса 16 июнь санасида эълон қилинади. Премьер Лига 2021/22 йилги мавсумда ҳам ўз ичига 380 учрашувни олади ва 2022 йилнинг 22 май санасида ўз якунига етади.
2020/2021 йилги мавсумда «Манчестер Сити» 35-турдан сўнг 80 очко билан етакчилик қилмоқда. «Шаҳарликлар» чемпионликни қўлга киритиши учун қолган уч ўйиндан бирида ғалаба қозонса етарли бўлади. Шунингдек, иккинчи ўриндаги «Манчестер Юнайтед»нинг очко йўқотиши ҳам жамоага чемпионликни тақдим этади.
Аввалроқ «Шеффилд Юнайтед» ва «Вест Бромвич»нинг мавсум сўнгида Чемпионшипга тушиб кетиши маълум бўлганди. «Норвич» ва «Уотфорд» эса янги мавсумни юқори дивизионда бошлайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)