Дунёга машҳур Nike бренди Sony компаниясининг PlayStation 5 ўйин консолидан илҳомланилган кроссовкаларни тақдим этди, деб хабар беради «Afisha.uz».
PG 5 номини олган кроссовкаларга Тони Хардман муаллифлик қилган. У PlayStation 5 дизайнери Южин Морисава билан биргаликда ишлаб, консолга хос элементларни оёқ кийимга туширган.
Янги оёқ кийимнинг асосий ранги оқ, қора ва ёрқин кўк ранглар унга қўшимча кўрк бағишлайди. Кроссовканинг «тили»га PlayStation ва Пол Жорж линейкаси логотиплари туширилган. Пошна қисмини яратишда Аir Strobel инновацион амортизация технологиясидан фойдаланилган.
PlayStation х Nike PG 5 савдолари 14 майдан 120 доллар қийматида бошланади.
Аввалроқ Япониянинг The World Is Yours бренди шарқона нақшлар туширилган кроссовкаларини тақдим этгани, рэпер Томми Кеш ва Adidas Originals узунлиги 1 метрни ташкил қиладиган кроссовка яратгани, Японияда педикюр қилинган оёқ кўринишидаги ботинкалар ишлаб чиқарилгани ҳақида хабар берилганди.
Изоҳ (0)